منتوجك مليح…خليه يبان مليح.
ستيكرات وسيل ليبلز مقاومة للماء، نطبعوها ونقصوها عندنا، بكميات صغيرة تناسب المشاريع اللي راهي تبدا. التوصيل لـ 58 ولاية.
- مقاوم للماء
- كميات صغيرة مقبولة
- تشوف البروفة قبل الطباعة
- توصيل لـ 58 ولاية
أربع منتوجات، معمولين للتغليف
سيل ليبلز
ليبل بذيل يسكّر الغطا ويبيّن البراند. مثالي للحلويات، الأكل والتوصيل.
ستيكرات دائرية ومربعة
للعلب، الأكياس والبوكسات، بألوان البراند تاعك وبأي مقاس.
ليبلز للتغليف
للبوكالات، البوطات والكرافت: اللوغو، اسم المنتوج والمكونات.
ستيكرات Die-cut
مقصوصين على شكل اللوغو ولا الرسمة تاعك. للبراندات، الرسامين والهدايا.
بديت مشروعك؟ ما تحتاجش ألف ستيكر.
نطبعو، نزيدو طبقة حماية ونقصو عندنا. هكذا نقبلو الطلبيات الصغيرة ونعاودو كي تحتاج.
شوف ستيكرك قبل ما نطبعوه
ارفع اللوغو تاعك، اختار الشكل والمقاس واللون، وشوفو على كاس، كيس كرافت ولا ورقة ستيكرات كاملة. كي يعجبك، ابعثو لينا في واتساب.
افتح الاستوديو
من الفكرة للطرد، في 4 خطوات
- 01
ابعث التصميم
ارفعو في الاستوديو ولا ابعثو في واتساب: PNG، PDF، SVG ولا AI.
- 02
وافق على البروفة
نوريولك كيفاش يخرج قبل ما نطبعو، وتقدر تطلب تعديلات.
- 03
طباعة، حماية وقص
نطبعو، نزيدو طبقة حماية مقاومة للماء، ونقصو كل ستيكر بالدقة.
- 04
توصيل لولايتك
نبعثو الطلبية لأي ولاية من الـ 58 ولاية.
قولنا واش تحتاج
عمّر الفورم ونفتحولك واتساب برسالة واجدة. نردّو عليك بعرض سعر، ونبعثولك البروفة قبل الطباعة.
التوصيل
نوصلو لكل الـ 58 ولاية. السعر والمدة يتبدلو حسب الولاية، نقولوهملك مع عرض السعر.
عندك طلبية؟
تتبّع حالتها برقم الطلب ورقم هاتفك.
تتبّع الطلبية →الأسئلة اللي تتعاود
شحال أقل كمية نقدر نطلب؟
نخدمو مع المشاريع الصغيرة، هكذا نقبلو كميات صغيرة. ابعثلنا الكمية اللي تحتاجها ونقولولك واش يناسب.
واش الستيكرات مقاومة للماء؟
إيه. نزيدو طبقة لامينيشن تحمي الطباعة من الماء، الرطوبة والخدش.
شحال تاخذ الطلبية؟
تتبدل حسب الكمية والمنتوج. نعطيوك المدة مع عرض السعر، وما نبداو الطباعة حتى توافق على البروفة.
واش من ملف نبعث؟
PNG بخلفية شفافة، SVG، PDF ولا AI. كل ما كان الملف أكبر ونقي، كل ما خرج الستيكر خير. ما عندكش ملف نقي؟ ابعث واش عندك ونقولولك إذا يصلح.